OCHIQ ESHIKLAR KUNI

Ichki ishlar organlari faoliyatiga qiziqishi bo’lgan hamda Ichki ishlar ta’lim muassasalarida tahsil olish istagida bo’lgan bitiruvchi yoshlarni o’qishga jalb qilish maqsadida joriy yilning 17-yanvar sanasida Sirdaryo tumanidagi 13-sonli maktabning 9-sinf o‘quvchilari “Ochiq eshiklar kuni” doirasida IIV Sirdaryo akademik litseyiga tashrif buyurishdi.

Tashrif davomida o’quvchi-yoshlarga akademik litsey faoliyati, ta’lim yo‘nalishlari, yaratilgan shart-sharoitlar, kutubxona, yotoqxona, oshxona, fan va sport to‘garaklari, shuningdek, qabul kvotalari hamda qabul jarayoni haqida batafsil axborot berildi.

Tadbir yakunida o’quvchilar o’zlarini qiziqtirgan savollarga javoblar olishdi hamda litseyda yaratilgan shart-sharoitlardan mamnun holda o‘z fikrlari bilan o‘rtoqlashdilar.